Futuristic Rayalaseema
About Leader
Job Portal

నైపుణ్య శిక్షణ పొందిన 50% మందికి ఉపాధి కల్పించాలని సీఎం శ్రీ నారా చంద్రబాబు నాయుడు ఆదేశం

kj reddy

రాష్ట్రంలో నైపుణ్యాభివృద్ధి శిక్షణ పొందిన యువతలో 50శాతం మందికి ఉద్యోగ, ఉపాధి అవకాశాలు కల్పించాలని, పీఎంకేఎస్‌వై పథకాన్ని సద్వినియోగం చేసుకోవడంలో రాష్ట్రం ముందుండాలని రాష్ట్ర ముఖ్యమంత్రి శ్రీ నారా చంద్రబాబు నాయుడు అధికారులను ఆదేశించారు. ఈ అంశంతో పాటు విద్య, ఉపాధి కల్పనకు సంబందించిన అంశాలపై  ఇక నుంచి 45 రోజులకోసారి సమీక్షిస్తామని అయన అధికారులకు తెలిపారు

ప్రతి శాఖను ఈ-ప్రగతితో అనుసంధానిస్తామని ఇలా చేయడం  వల్ల అధికారుల్లో జవాబుదారీతనం వస్తుందని అయన ఈ సందర్బంగా  చెప్పారు. నిరుద్యోగ యువకుల్లో నైపుణ్యాభివృద్ధి, రాష్ట్రంలో విద్య రంగం పరిస్థితి పై అయన ఉన్నతాధికారులతో సమీక్షా నిర్వహించారు.  విద్యారంగానికి అపార నిధులు, అవకాశాలు కల్పించినా అధికారుల్లో చిత్తశుద్ధి కొరవడటం వల్లే ఫలితాలు నిరాశాజనకంగా ఉన్నాయని ముఖ్యమంత్రి చంద్రబాబునాయుడు అసంతృప్తి వ్యక్తం చేశారు.

                         అక్షరాస్యత, నాక్‌ రేటింగ్‌ల్లో రాష్ట్రం వెనకబడి ఉండటాన్ని ప్రస్తావించారు. విద్యావ్యవస్థను సంస్కరించి ఉత్తమ ఫలితాలు సాధించడంపై మరింత దృష్టి పెట్టాలని సూచించారు. అన్ని ప్రభుత్వ కార్యాలయాలు, విద్యాలయాలు, వసతిగృహాల్లో బయోమెట్రిక్‌, కెమెరాలు అమర్చాలని ఆదేశించారు. అన్ని పాఠశాలల్లో డిజిటల్‌ తరగతులు నిర్వహించాలని స్పష్టం చేశారు. చిన్న పరిశ్రమల స్థాపన కోసం ఒక సంస్థను ఏర్పాటు చేయాలన్నారు.