Futuristic Rayalaseema
About Leader
Job Portal

ఏడాదిలోపు అన్ని గ్రామాల్లో ఎల్‌ఈడీ వీధి దీపాలు: రాష్ట్ర ముఖ్యమంత్రి శ్రీ నారా చంద్రబాబు నాయుడు

kj reddy

ఆంధ్ర ప్రదేశ్ రాష్ట్రమంతా  త్వరలోనే  ఎల్ఈడీ దీపాల వెలుగులతో నిండిపోనుంది

వచ్చే  ఏడాదిలోగా ప్రతీ గ్రామంలో ఎల్‌ఈడీ వీధి దీపాలను ఏర్పాటు చేస్తామని  రాష్ట్ర ముఖ్యమంత్రి శ్రీ నారా చంద్రబాబునాయుడు ప్రకటించారు.

 ఎల్‌ఈడీ దీపాల కార్యక్రమాన్ని శుక్రవారం రాత్రి అమరావతిలో ఆయనప్రారంభించారు.  వెలగపూడి, మందడం గ్రామాలకు చెందిన పలువురికి ఎల్‌ఈడీ ట్యూబ్‌లైట్లను ఈ సందర్బంగా అయన అందజేశారు.  ఈ కార్యక్రమాన్ని ప్రారంభించిన అనంతరం సీఎం మాట్లాడుతూ రాష్ట్రంలోని  ప్రతి ఇంట్లో ఎల్‌ఈడీ బల్బు, ట్యూబ్‌లైట్‌తోపాటు ఇంధన పొదుపు సామర్థ్యం కలిగిన ఫ్యాను ఉండే విధంగా చూస్తామని అయన అన్నారు. ఈ మేరకు సంబంధిత  అధికారులకు ఆదేశాలు జారీచేశామని వెల్లడించారు. రాష్ట్రంలోని ప్రతి పల్లెకూ ఈ వెలుగులు తీసుకెళ్లడానికి 30 లక్షల ఎల్‌ఈడీ వీధి దీపాలు అవసరం అవుతాయని చంద్రబాబు అన్నారు. ఈ దీపాలను పెట్టడానికి సుమారు రూ.1,200 కోట్ల పెట్టుబడిఅవసరమవుతుందన్నారు.

    ఎల్‌ఈడీ దీపాల వినియోగంతో గ్రామా పంచాయతీల్లో 40 శాతం మేర విద్యుత్‌ ఆదాకు అవకాశముంటుందని ఆయన అన్నారు. ఎల్‌ఈడీ బల్బుల వాడకంలో ప్రపంచంలోనే తాము ముందు నిలిచామని పేర్కొన్నారు.  ఎల్ఈడీ దీపాల కోసం  అవసరమైన     పెట్టుబడి పెట్టేందుకు  కేంద్ర ప్రభుత్వానికి చెందిన ఇంధన పొదుపు సేవల సంస్థ ముందుకు వచ్చింది.