Futuristic Rayalaseema
About Leader
Job Portal

కర్నూలులో ప్రారంభమైన నంది నాటకోత్సవాలు: పదహారు రోజుల పాటు కన్నుల పండుగగా జరగున్న ఉత్సవాలు

kj reddy

తెలుగు నాటక రంగాన్ని ప్రోత్సహించడానికి ఆంధ్రప్రదేశ్ ప్రభుత్వం నంది నాటకోత్సవాలను ప్రారంభించింది.  ఆంధ్రప్రదేశ్ రాష్ట్ర తెలుగు చలనచిత్ర,టివి మరియు నాటక రంగ సంస్థ ఆధ్వర్యంలో జరిగే నంది నాటకోత్సవాలకు కర్నూలు పట్టణం వేదిక అయింది. బుధవారం కర్నూలు జిల్లాలోని టీజీవీ కళాక్షేత్రంలో ప్రారంభమయ్యాయి. ఈ కార్యక్రమానికి జిల్లా పురప్రముఖులు, రాజకీయ నేతలు, ఎంపీ టీజీ వెంకటేశ్, ఎమ్మెల్యే ఎస్ వి మోహన్ రెడ్డి, మున్సిపల్ కమిషనర్ రవీంద్ర బాబు, మార్కెట్ యార్డు  చైర్మన్ శమంతకమణి, మాజీ న్యాయశాఖ మంత్రి ప్రతాప్ రెడ్డి, ఎమ్మెల్సీలు శిల్పా చక్రపాణి రెడ్డి, సుధాకర్ బాబు జ్యోతి ప్రజ్వలన చేసి ప్రారంభించారు. 

ఈ సంధర్బంగా రాజ్యసభ సభ్యుడు టీజీ వెంకటేశ్ మాట్లాడుతూ కర్నూలులో రాష్ట్ర స్థాయి నంది నాటకోత్సవాలను ప్రారంభించడం హర్షణీయం అన్నారు. రాయలసీమ సంస్కృతి సాంప్రదాయాలను ప్రతిబింబించేలా నంది నాటకాలను నిర్వహిస్తున్నామన్నారు. మున్సిపల్ కమిషనర్ రవీంద్ర బాబు మాట్లాడుతూ షేక్ స్పియర్ నాటక రంగాన్ని జీవితానికి అన్వయించి గొప్ప నాటకాలు రాశారని గుర్తు చేసారు. కర్నూలు ఎమ్మెల్యే యస్ వి మోహన్ రెడ్డి మాట్లాడుతూ  నంది నాటకోత్సవాలను సిటీ కేబుల్లో ప్రత్యక్ష ప్రసారం చేస్తామని, కళాకారులకు హౌస్ ఫర్ సేల్ పథకం కింద 10వేల ఇళ్ళు మంజూరు చేసి ఒకే బ్లాక్ లో కట్టించి ఇస్తామని అన్నారు.
 

వార్త ఆధారం: ఆంధ్రజ్యోతి న్యూస్ పేపర్