Futuristic Rayalaseema
About Leader
Job Portal

రాయలసీమ లో జరిగే ఎమ్మెల్సీ ఎన్నికల్లో పార్టీ అభ్యర్థుల గెలుపుకు కృషి చేయండి: టీడీపీ అధినేత నారా చంద్రబాబు నాయుడు

కర్నూల్, కడప అనంతపూర్ పట్టభద్రులు, ఉపాధ్యాయుల స్థానాలకు త్వరలో జరుగనున్న ఎన్నికల్లో అధికార తెలుగుదేశం పార్టీ నిలబెట్టిన అభ్యర్థుల ఘన విజయానికి పార్టీ నాయకులూ, కార్యకర్తలందరూ కృషి చేయాలనీ ఆంధ్రప్రదేశ్ ముఖ్యమంత్రి, తెలుగుదేశం పార్టీ జాతీయ అధ్యక్షుడు నారా చంద్రబాబు నాయుడు పిలుపునిచ్చారు.
కర్నూల్ జిల్లాలో జరిగిన పార్టీ కార్యకర్తల సమావేశంలో ప్రసంగించిన ఆయన, కర్నూల్, కడప, అనంతపూర్ పట్టభద్రుల స్థానం నుంచి ప్రముఖ పారిశ్రామిక వేత్త, సమాజ సేవకుడు, కేజే రెడ్డి గారిని, ఉపాధ్యాయుల స్థానం నుంచి బచ్చల పుల్లయ్య గారిని పార్టీ అభ్యర్థులుగా నిలబెట్టడం జరిగిందని, ఈ ఇద్దరు పార్టీ అభ్యర్థుల విజయానికి కార్యకర్తలందరు బాగా కృషి చేయాలనీ, కష్టపడి పనిచేయాలని ఆయన కోరారు. ప్రత్యేక్ష ఎన్నికలు అయిన ఎమ్మెల్యే ఎన్నికల్లో పార్టీ నాయకులూ, కార్యకర్తలు బాగా పనిచేసి పార్టీ నిలబెట్టిన అభ్యర్థుల విజయానికి కృషి చేస్తారని అదే పరోక్ష ఎన్నికలు అయిన ఎమ్మెల్సీ ఎన్నికలలో మాత్రం ఏమాత్రం కష్టపడకుండా, పార్టీ నిలబెట్టిన అభ్యర్థుల ఓటమికి కారణమవడమే గాక.. ఎలాంటి ఓటు బ్యాంకు లేని ప్రతిపక్ష పార్టీల అభ్యర్థుల గెలుపుకు కారణమౌతున్నారనే అపవాదు ఉందని ఆయన ఈ సందర్బంగా గుర్తు చేశారు. , ఈ అపవాదును వచ్చే ఎన్నికల్లో పార్టీ అభ్యర్థులను గెలిపించడం ద్వారా తొలగించుకోవాలని ఈ సందర్బంగా చంద్రబాబు నాయుడు గారు పార్టీ నాయకులూ, కార్యకర్తల్ని గట్టిగా కోరారు.